CAGAYAN DE ORO CITY – Naghikog-patay ang 27 anyos nga lalaki sulod sa kaugalingong lawak sa Zone 3,Ilang-Ilang,Adela Subd,Brgy Camaman-an ning syudad.
Giila ni Executive Master Sgt Jose Rene Rabosa,imbestigador sa Cogon Police Station ang biktima nga si Guillermo Awitin nga nagpuyo sa maong lugar.
Gibutyag ni Rabosa nga gikan pa nag-inom ang biktima kuyog sa pipila ka higala ayha naghimo sa kremin sulod sa kuwarto sa miaging gabii.
Nadiskobre na lamang ang patay’ng lawas sa biktima pinaagi sa paghikot-pisi sa liog sa pagkabuntag na mismo sa iyang inahan.
Kumbinsido ang pamilya nga walay foul play sa paghikog sa biktima.
Samtang walay nakitang foul play ang kapolisan sa kamatayon sa 32 anyos nga ulitawo, konduktor sa jeep nga taga Brgy Tuburan ning syudad.
Giila ang biktima nga si Ruel Bongolto nga nagpuyo sa maong lugar.
Gibutyag ni Police Lt. Roynee Vesta sa Lumbia Police Station nga segun sa nakasaksi, ulahing napalgang nagbitay sa punu-an sa santol ang biktima.
Namugos ang mga silingan nga hagbay nalisuan sa pangisip ang biktima hinungdan sa iyang grabe nga depression ug paghikog.
Gigamit sa biktima ang nylon paghikot sa iyang li-og sa punuan sa santol.
Samtang nagtoo ang kabanay si Grace Gumilan nga ang kagustuhang mag minyo maoy nagtukmod paghikog sa nagpuyo sa ilang balay nga si Ruel Bongolto, 32, ulitawo, konduktor sa Jeep sa Brgy Tuburan ning syudad.
Nakit-an lamang ang biktima nga nagbitay sa sanga santol tungod sa pisi nga gihikot niini sa iyang liug.
Gibutyag ni Gumilan nga dili na usab kini ang unang higayon nga nagsulay pagkutlo sa kinabuhi ang biktima.
