CAGAYAN DE ORO CITY-Nabawi sa hiniusang operasyon sa kapolisan 13 ka sachets sa gitoohang shabu ingon man ang
P200-mil cash gikan sa usa ka pamilya nga suspek pagpayuhot sa gidiling droga diha Purok 4,Brgy Puerto ning syudad
kagabii.
Gibutyag ni Puerto Police Station commander C/Insp Ian Borinaga nga maoy nasikop ang target nga si Nora Tenaja
diin nakuha ang balor 68-mil pesos nga shabu sa pinuy-anan niini.
Nasikop usab ang kapikas sa suspek nga si Fernando,ilang anak nga si Rita Tinaja ug bana niini nga si Roy Lagrada.
Gisikop ang mga suspek pinasikad sa search warrant nga gipagawas ni RTC Presiding Judge Marites Felomina Rana- Bernales nga nakabase ning syudad.
Apan hugot mihimakak si Gng Tinaja nga nalambigit kini sa pagbaligya’g droga kay giingong igo lamang siya nagpa-lending.
