CAGAYAN DE ORO CITY-Napasaka ug tiwason sa kapolisan ang pagkaso batok sa duha ka police officials ingon man ang pipila ka auxilliary civilian members sa piskalya sa Iligan City ning adlawa.
Kini human nasikop sa entrapment operation sila si Iligan City Highway Patrol Team commander Sr/Insp Rolando Rigat;SPO2 Crisanto Bernando;Mac Harvey Abad ug Sidney Cañete nga midawat sa P3-mil nga extortion money gikan sa motorista.
Miingon si Iligan City Police Office Director Sr/Supt Leony Roy Ga nga kabahin sa kaso nga giatubang ni Rigat ug Bernando ang robbery with extortion ingon man kasupakan sa graft and corruption practices act.
Samtang atubangon usab ni Abad ug Cañete ang kasong robbery with extortion.
Nasikop ang mga suspek mismo sa ilang opisina diin si Rigat ang midawat sa 3-mil pesos nga salapi gikan sa negosyante nga kanhi nila nasikop sa traffic violation sa Iligan City sa miaging adlaw.
