CAGAYAN DE ORO CITY-Napasaka na ang kasong pagbaligya’g gidiling droga ug illegal possession of firearms batok sa duha ka asawa sa napatay’ng suspected druglord nga si Jabbar Sangcopan sa piskalya ning syudad kagahapong adlawa.
Kini human nasikop sila si Cindy Sangcopan ug Asgar Sangcopan sa managlahi nga search warrant operations sa mga pinuy-anan niini sa miaging seamna.
Si PDEA-13 regional director Gilbert Buenafe miingon nga non-bailable ang giatubang nga mga kaso sa duha ka kapikas ni Sangcopan.
Gani,apektado na ang mga sakop sa Sangcopan Drug Syndicate nga nakabase sa Caraga region tungod sa pagnihit sa shabu suplay epekto sa kamatayon sa ilang founder dinhi sa syudad.
Nasayran nga kapin sa milyong balor sa shabu ang nakuha gikan sa mga suspek atol sa magkalahi nga operasyon sa PDEA ug PNP sa miaging semana.
