CAGAYAN DE ORO CITY – Gikasuhan sa double homicide ug frustrated homicide ang laborer nga gitudlong suspek pagdunggab-patay sa duha ka silingan niini ug miangol sa laing usa sa Purok 6,Brgy Magsaysay,Malaybaylay City,Bukidnon.
Giila ang mga dead on arrival nga mga biktima sa ospital nga sila Danilo Maraasin,52 anyos ug Julie Maraasin,56 anyos,mga kargador nga pulos nagpuyo sa lugar.
Giila usab ang samaron nga si Sofronio Tinaan samtang ang suspek sa kremin mao si Paquito Maraasin.
Subay sa report,nagkalalis ang managhigala sa isyu sa pagpanguha’g bulawan samtang nag-inom sa balay ni Tinaan.
Mi-resulta sa pagpanunggab ang maong bikil hinungdan nga nagbaton sa fatal wounds si Julie ug Danilo rason nga sila gilayong nahunusan sa kinabuhi.
Gilayong nasikop ang suspek tungod sa paspas nga pag-responde usab sa mga otoridad.
