CAGAYAN DE ORO CITY – Gibakwit ang ang ubay-ubay’ng pamilya sa pipila ka brgy nga sakop sa lungsod sa Maigo,Lanao del Norte kagabii.
Kini human bundaki sa kusog nga mga pag-ulan epekto sa low pressure area o LPA ug tail-end of a frontal system nga nasiplatan dinhi sa Mindanao.
Gibutyag ni Lanao del Norte Local Govt Unit spokesperson Lyndon Calica nga sutaon pa nila ning adlawa kon unsa ang damyos nga natala sa maong kalamidad.
Una niini,mismo si Calica ang natanggong usab sa iyang biyahe tungod sa pagbaha nga miigo kagabii sa lugar.
Samtang subli usab nabahaan ang lungsod sa Tubod nga una nang nakapahikling sa pipila ka residente sa sukad pa sa miaging adlaw’ng Lunes.
