CAGAYAN DE ORO CITY, Philippines – Nakasulod na sa Philippine Area of Responsibility (PAR) ang duha ka Low Pressure Area.
May tsansa nga mahimong bagyo kining usa ka LPA kung mukusog ang dala nga hangin niini alang sa sunod 24 oras.
Adunay tsansa nga matunaw kining ikaduhang LPA nga anaa sa VISAYAS Region agi’g epekto sa init nga hinungaw sa hangin sa tanan ESTE nga porsyon sa Visayas ug Mindanao.
Ang unang LPA nasiplatan sa 1,340 km East Northeast sa Extreme Northern Luzon.
Samtang ang usa anaa sa esteng bahin sa Bicol Region ug Eastern Visayas.
Ang ubang porsyon sa Pilipinas ilabe dinhi sa Mindanao, ug Visayas padayong makasinati salocalized thunderstorms ug kaigang nga muabot sa tag 40 degrees pataas.
Dinhi kita sa atong Regional Forecast:
Ang syudad sa Cagayan de Oro makatagamtam sa 44% chance of rain sa hapon.
Anaa sa 12km matag oras ang pinakakusog nga huyop sa hangin.
Ang general temperature ning adlawa 24-32 °C.
Ang heat index ning syudad, muabot sa 39 degrees celsius gikan sa alas 12 sa udto padulong sa alas 2 sa hapon.
Ang Visayas Area, magbaton sa 45% chance of rain sa hapon o gabie.
Anaa sa 21 km matag oras ang huyop sa hangin. Ang sukod sa temperatura - 25-33 °C.
Ang heat index musaka pa sa 41 degrees ilabe sa pag-abot sa alas 12 sa udto.
Ang Manila NCR Area, makasinato sa 25% chance of rain.
Muabot sa 18 km matag oras ang pinaka-kusog nga huyop sa hangin tungod sa presensya sa LPA.
Ang sukod sa temperatura 26-29 °C. Ang heat index mikundhod sa 36 degrees.
Ang adlaw musubang sa 5:32 sa buntag, ugmang adlawa, ug musalop unya sa 5:45 sa hapon.
