CAGAYAN DE ORO CITY – Nakompiskar sa hiniusang operasyon sa PNP,PDEA ug AFP ang sobra gatus gramos nga gitoohang shabu ingon man duha ka M-14 rifles gikan sa mga dinapkan sa magkalahi nga lugar sa Lanao del Sur.
Gibutyag ni Police Regional Office BARMM regional director Brig Gen Arthur Cabalona nga maoy ilang nabawian sa balor 650-mil pesos nga gitoohang shabu ug mga armas ang suspek nga si alyas Samsodin,52 anyos nga nagpuyo sa Marogong,Lanao del Sur.
Samtang laing 102-mil pesos nga kantidad sa susamang droga ang gikan usab sa suspek nga si Abukar Habier Ibrahim nga nagpuyo sa Brgy Loksadatu,Marawi City.
Gawas sa mga nakompiskar,laing drug paraphernalia pa ang nabawi sa mga otoridad gikan sa mga dinakpan.
Kasuhan sa pagsupak sa balaod sa pagbaligya sa ilegal nga droga ug illegal possession of firearms ang duruha sa piskalya sa Marawi City.
