Mitambong ang kapin 2-ka milyon ka fans ang konsiyerto sa singer nga si Shakira sa Brazil, diin napuno ang Copacabana Beach sa Rio de Janeiro.
Sumala sa mga opisyal nga kini mao ang pinakadako nga konsiyerto sa Colombian pop star sa tibuok niyang career ug kabahin sa programa sa lokal nga gobyerno aron makadani sa bisita ug turista.
Sobra ang kalipay sa 49-anyos nga singer tungod sa walay puas nga suporta sa iyang mga fans, samtang giba-bana sa Brazilian officials nga miabot ang halin sa maong concert sa $161.45-milyon.
Ang konsiyerto kabahin sa “Todo Mundo no Rio” nga ginahimo matag buwan sa Mayo. (phillip ariata)
