CAGAYAN DE ORO CITY – Na-missing ang usa ka mangingisda nga namasol sa lawod nga bahin s samtang mibundak ang kusog nga ulan da Brgy Bonbon ug Brgy Bayabas ning syudad sa miaging adlaw’ng Lunes.
Gibutyag ni Maynard Torres sa City Disaster Risk Reduction and Management Department nga hangtud karon wala pa sila’y report nga nadawat gikan sa Philippine Coast Guard nga miabag sa pagpangita.
Una nang apektado sa urban flooding ang napulo ka syudad epekto sa localized thunderstorm.
Dugtong niini, gibutyag ni Torres nga dunay nahikling nga mga pamilya sa Brgy Puntod human mi-abot sa li-og ang pagsaka sa tubig baha sa ilang mga balay sa maong adlaw.
Samtang gitin-aw ni Brgy Brgy Kagawad Lope Matildo nga dili usa apan duha ka mangingisda ang na missing sa localized thunderstorm niadtong Lunes sa hapon.
Sa pakighinabi sa Bombo Radyo, iyang gidayeg ang PNP Maritime ug Phililippine Coast Guard sa ilang paspas nga pagresponde sa tawag sa missing person.
Hinoon, human ang kapin 12 oras, nakit-an ra ang duruha ka mangingisda ug na-rescue.Gidala pa sa ospital ang mga na-respondehan nga sila Lolong Tamayo ug Edoy Gacus.
