(Update) CAGAYAN DE ORO CITY-Gitumbok sa militar nga sakop sa teroristang Maute ang napatay nga duha ka suspected carjackers ug laing usa ang nasikop sa kapolisan didto sa Iligan City.
Kini human nakig-pinusilay ang mga suspek nga si Azzam Ampua Tahir ug laing usa ka Wowie diin sila misukol sa kapolisan atol sa pursuit operation sa utlanang bahin sa Tagoloan,Lanao del Norte ug Iligan City sa miaging adlaw.
Nasikop usab ang kauban sa mga napatay’ng suspek nga si Eyeman Alonto nga taga-
Marawi City diin ilang gikawat ang sakyanan nga gipanag-iya sa negosyante nga si Othelo Adiong samtang anaa sa Iligan City atol sa hitabo.
Una nang gibutyag ni Iligan City Police Office Director Sr Supt Leony Roy Ga nga armado sa kalibre 45 ug M-16 ang mga suspek nga maoy gigamit nila sa pakig-pinusilay sa kapolisan hinungdang sila ang nahinaykan atol sa engkuwentro.
