CAGAYAN DE ORO CITY-Gimando ni DILG Sec Eduardo Año sa 2-mil 022 ka brgy kapitan nga dili magpagalong sa mga nagkabanging dagkong politiko sa mga lungsod o syudad.
Kini sa tuyo nga dili sila apektado sa itunol nila nga serbisyo ngadto sa katawhan sa ilang barangay.
Miingon si Anio nga dako’g tahas ang anaa sa kabarangayan hinungdan nga angay epektibo ang ilang mga programa nga matunol sa katawhan.
Gihimo ni Anio ang pasidaan nunot sa nagkaduol nga pagsugod sa pagserbisyo sa mga bag-o ug nasublian nga brgy kapitanes dinhi sa rehiyon.
Gikompirmar usab sa Department of Interior and Local Government Region 10 nga mas pahugtan pa nila ang ilang audit performance sa mga mayor, gobernador ug uban pang opisyal sa lokal nga kagamhanan.
Matud ni acting DILG for operations Director Edward Bagwani nga ila nang gisugdan ang pagpatuman sa “Bantay Kaagapay” nga programa base sa kamanduan ni Pres Rodrigo Duterte.
Gibulgar ni Bagwani nga adunay mga munisipyo sa Misamis Oriental ang napaubos sa kwestyonableng performance base sa audit.
Si Bagwani miingon nga tulubagon sa mayor, gobernador ug uban pang opisyal kun ugaling adunay madiskobrehan nga kahiwian sa ilang pagdumala.
Dugtong niini, giawhag ni Bagwani ang mga opisyal nga sulbaron ang mga kahiwian sa ilang mga munisipyo aron dili sila mabutang sa kaulawon ilabina nga pahugtan na ni Pres Duterte ang anti-corruption campaign.
