CAGAYAN DE ORO CITY – Nag-atubang sa kasong pagsupak sa Philippine Mining Act ang duha ka suspected illegal miners nga nadakpan sa mga operatiba sa kapolisan sa Purok 10,Brgy Tuod,Misamis Oriental.
Kini human gipalusot sa mga suspek nga sila alyas Jerry, 40 anyos nga taga-Iligan City ug alyas Riko nga naggikan usab sa Maigo,Lanao del Norte ang 34 ka sako sa minerales sakay sa gimaneho nila nga pribadong sakyanan sa lugar.
Sa gihuptang impormasyon ni Police Regional Office 10 Director Brig Gen Jaysen De Guzman nga gikompiskar ang maong kargamento kay walay permiso nga napakita ang mga dinakpan.
Kini ang rason nga gilayong milusad sa operasyon ang mga otoridad subay sa pagtugot sa Mines and Geosciences Bureau o MGB 10 kinuyugan sa koordinasyon sa Manticao Police Station ug 2nd Provincial Mobile Force Company.
Naka-kustodiya una sa mini-cell sa Opol Police Station ang mga dinakpan samtang gihulat ang mando sa korte nga isulod na kini sa regular nga prisuhan.
