CAGAYAN DE ORO CITY –Selos ang gitoohan nga hinungdan sa pag-hostage sa usa ka amahan sa iyang duha ka menor de edad nga anak diha sa Sitio Kiam-is,Brgy Lumbia ning syudad.
Sumala ni Lumbia Police Station commander Police Capt Dennis Ebsolo nga maoy mihimo’g pag-hostage ang brgy tanod nga si Manny Bamuya, 44-anyos, minyo ug residente sa maong dapit.
Namahayag si Ebsolo nga unang nag-away ang suspek ug kapikas niini nga nag-resulta pag-hostage sa mga biktima nga si Elger,4 anyos ug Samly,5 anyos kagahapong adlawa.
Atubangon ni Bamuya ang illegal possession of firearms ug illegal possesion of explosives sa piskalya sunod semana.
