CAGAYAN DE ORO CITY-Patay nang nakita sa rescuers ang ikaduhang bata nga nalumos diha sa Ilaya,
Brgy Carmen ning syudad.
Kini human nakita sa rescuers ang naglutaw-lutaw nga patay’ng lawas ni Radu Omega alyas Meggie, 12-anyos ug residente sa dalan Yacapin ning syudad.
Sumala ni Efren Pacteres, head sa rescue team nga 11 sila ka rescuers nga nangita sa biktima.
Una nang napalgan ang patay’ng lawas ni Mark Joseph Paham human nakit-ang naglutaw kini sa suba.
Hisayran nga nalumos ang mga biktima samtang nangaligo sa Brgy Macasandig sa syudad niadtong miaging semana.
