CAGAYAN DE ORO CITY – Nakauli na ang duha ka mananagat nga unang na-missing nga nangisda samtang ubos sa signal no.1 tungod sa bagyong Vicky ang Misamis Oriental sa milabay’ng semana.
Giila ni Police Senior Master Sgt. Santiago Sarojales Jr sa Lagonglong Police Station ang mga mangingisda nga silang Ian Tion, 31, minyo ug Gary Hadman, 17, ulitawo nga taga Mambuaya,Kambulawan, Lagonglong.
Gibutyag ni Sarojales nga nakaabot sa lawod sa bohol ang mga biktima tungod sa kusog nga ulan ug nahutgan sa gasolina ang ilang mga pamboat.
Hinoon wala kini silay naangkon nga samad gawas lamang sa gibating tumang kagutom.
