CAGAYAN DE ORO CITY – Gipangita pa sa mga kabanay ug mga otoridad ang magsoong babaye nga sila Shiela ug Ela Abdullah nga kabahin sa apektado sa lapad nga pagbaha sa epekto sa hanging habagat.
Kini human naapil pagkaanod ang ilang balay samtang miigo ang grabeng pagbaha sa Barangay Molimok,lungsod sa Balabagan sa probinsya.
Una nang nakabsan kinabuhi ang 18 anyos si Baby Nor Raba nga naanod gihapon sa pagbaha dihang miigo ang grabeng pag-ulan sa Barangay Kabaniakawan,lungsod sa Kapatagan.
Sa interbyu sa Bombo Radyo,gisulti sa Lanao del Sur PDRRMO head Shaminoden Sambitory nga anaa sa sobra 5-mil ka pamilya ang apektado sa maong pagbaha gikan sa halos 90 ka barangay sa miaging semana.
