Namolitika lang ang kapitolyo-probinsyal gamit ang reklamong administratibo ni Kinoguitan Vice Mayor Tomas Zarate batok kang Mayor Danilo Lagbas Jr.
Kini human nabaniug nga si Lagbas ang hayan mobangga pagka-gobernador kontra Governor Peter Unabia sa 2025 elections sa lalawigan.
Miingon si Lagbas nga nakurat siya sa gilugwa nga suspension order kay naghisgot pa sila sa taga-provincial govt kon unsay mga kaso nga angay ipasaka batok sa tag-iya sa gitukod nga pantalan.
Dugang niini nga klaro nga politically motivated ang suspension order kay dili pa siya ang mayor sa katukuran sa pantalan apan siya ang gipahamtangan sa silot sa pasangil nga wala niya buhata.
Una niini,gibutyag ni MisOr SP Board Member Gerardo Saball III nga igo lang sila mi-aksyon sa reklamo ni Zarate batok Lagbas rason nga 12 ka sila nga mipabor sa tigom nga gidumala ni Vice Governor Jigjag Pelaez kagahapong adlawa.
