CAGAYAN DE ORO CITY- Patay ang duha ka motorista sa magkalahing higayon sa dugu-ong aksidente sa syudad.
Giila ang unang biktima nga si Richard Mancao,35 anyos nga taga-Purok 7,Brgy Gusa ning syudad.
Miingon si Police Staff Sgt Mark Anthony Sabas sa Macabalan Police Station nga wala maka-hand brake ang forklift nga gimaneho ni Mancao samtang misaka sa truck hinungdan sa pagka-ipit niini ug gilayong namatay sa Catimco,Brgy Puntod sa dakbayan kagahapong adlawa.
Samtang patray usab ang babaye nga si Sandra Daulong human mibangga ang gimaneho nga motorsiklo sa utility vehicle sa J.R. Borja- Velez Streets sa syudad kagabii.
Gidala’g dali sa Northern Mindanao Medical Center ang biktima apan wala na kini maluwas sa mga doktor.
