CAGAYAN DE ORO CITY – Patay sa magkalahi nga disgrasya sa kadalanan ang duha ka motorista samtang laing usa ang kritikal diha sa lungsod sa Naawan ug Opol, Misamis Oriental kagabii.
Nagmaneho nga hubog sa motorsiklo si Remirico Bati-ansila, 44. nga taga-Brgy Patag sa Naawan ning lalawigan hinungdan nga nawad-an sa kontrol.
Nabunal ang ulo sa biktima hinungdan nga dead on arrival nga nadala sa ospital kagabii.
Samtang pabiling wala pa usab maila ang laing lalaking motorista nga nahulog sa drainage diha sa Brgy Bagocboc, Opol kagabii.
Maoy kauban sa biktima si Angela Gascon, 18, kinsa dili makuhaa’g impormasyon tungod kay kritikal nga nadala sa Northern Mindanao Medical Center.
Gihimuan pa’g magkalahi nga imbestigasyon sa kapolisan ang maong mga aksidente.
