(Update) CAGAYAN DE ORO CITY- Atubangon sa kanhi piniriso ang kasong double murder,multiple frustrated murder ug attempted murder sa piskalya ning syudad karong adlawa.
Kini human nahimo nang duha ang namatay sa pagpanunggab sa suspek nga si Ernesto Tacugon,44 anyos tungod sa naghinobra nga selos sa kaipon niini diha sa Kolambog,Brgy Lapasan ning syudad sa miaging gabii.
Gibutyag sa imbestigador nag si SPO3 Ronnie Donasco sa Agora Police Station nga kabahin sa namatay sila si Rayneil Valle ug pag-umangkon niini nga si Trexie Bautista.
Nakaangkon ang mga biktima sa dinunggaban atol sa paghuremintado ni Tacugon gamit ang sundang.
Pabiling nagpaalim sa ospital ang kaipon ni Tacugon nga si Mitchie Bautista ug laing duha ka anak nga biktima gihapon sa pagpanunggab.
