CAGAYAN DE ORO CITY – Wala pa lung-i sa militar ang paggukod sa mga rebeldeng New People’s Army o NPA nga ilang na-engkuwentro sa bukirang bahin sa Sitio Tapol,Brgy Kibanban,Balingasag,Misamis Oriental.
Kini human padal-i sa laing offensive team sa 58th IB,Philippine Army ang mga sakop sa Platoon Falcon sa Sub-Regional Committee 1,North Central Mindanao Regional Committee nga nagkatibulaag sa engkuwentro sa miaging adlaw.
Miingon si 58th IB commander Lt Col Christian Uy nga padayon usab nila gi-transport panaug ang duha ka patay’ng lawas sa NPA members nga napatay sa engkuwentro aron mahatag sa mga tatungod niini.
Sa pagkakaron,wala pa mailhi ang maong NPA members apan nangandam na si Balingasag Mayor Alexis Quina alang sa pagtabang nga ma-plastar ang ilang mga haya.
Nakompiskar sa militar gikan sa engkuwentro ang M-16 armalite rifle, M653 rifle, caliber 22 rifle, tulo ka backpacks, personal belongings, assorted medical paraphernalia ug mga subersibong dokomento.
