CAGAYAN DE ORO CITY – Natugyan na sa militar pinaagi sa 58th th IB ug 16th IB,Philippine Army ang patay’ng lawas sa duha ka sakop sa rebeldeng NPA ngadto sa tagsa-tagsa ka pamilya niini diha sa Misamis Oriental.
Kini human gikuha na sa ilang tagsa-tagsa ka pamilya ang patay’ng lawas nila ni Isidro Sarosad alyas Wawang nga taga-Brgy Lanise ug Francisco Eranio alyas Lahoy nga residente sa Salay nga pulos sakop sa CPP-NPA nga naglihok sa lalawigan.
Gibutyag ni 58th IB commander Lt Col Ricky Canatoy nga gihimo ang pagturn-over mismo sa usa ka punerarya nga nakabase sa Gingoog City.
Si Sarosad ug Eranio ang napatay sa joint army operations sa Brgy Bal-ason,Gingoog City diin nakuha usab gikan sa mga misibat nga reblde ang lima ka tag-as nga kalibre sa armas sa miaging semana.
