CAGAYAN DE ORO CITY – Gibulgar sa duha ka kanhi amasona o babaye nga miembro sa rebeldeng New People’s Army o NPA ang lapad nga recruitment sa Communist Party of the Philippines o CPP gamit ang nagkadaiyang progresibong pundok sa mga tinun-an sa lain-laing unibersidad ug colleges ning syudad.
Kini human matahasi sila kanhi CPP-NPA political officer Ka Lalaine ug Ka Dina nga agnihon ang mga tinun-an aron mokuyog sa lain-laing progresibong organisasyon sa tuyo nga lumpagon ang demokrasya sa nasud.
Miingon si Ka Lalain kinsa mitug-an nga tinun-an kaniadto sa COC-Phinma unang mi-recruit kaniya ang Anak ng Bayan o Akbayan partylist aron ipakuyanap ang idolehiya sa susama kaniya nga batan-on ug hangtod nasaka kini sa bukid sa Caraga Region diin nahingpit ang pagkasakop sa NPA.
Gibulgar niini nga kabahin sa ilang nasudlan kaniadto sa recruitment ang Xavier University,USTP,MSU-IIT,Bukidnon State University ug Pilgrim Christian College.
Samtang gidani karon ni kanhi CPP-NPA member Ka Dina ang iyang mga kaubanan nga hingpit nang isalikway ang tinguha nga lumpagon ang demokrasya sa nasud.
Gihimo ni Ka Dina ang apelar dungan sa pabulgar kon giunsa siya paggamit sa komunista sulod sa 15 ka tuig aron ipakuyanap ang idolohiya ni CPP founder Jose Maria Sison batok sa kagamhanan.
Partikular nga gipanawagan niini ang ilang mga kauban nga gikan sa grupong Karapatan,Kilusang Mayo Uno,AnakPawis,Kalumbay,Kabataan Partylist,Kadamay,Kilusang Magbubukid ng Pilipinas,League of Filipino Students,Bayan Muna,College Editors Guild of the Philippines,Gabriela ug daghan pang uban.
