Napahuyang pa sa 4ID,Philippine Army ang nabiling mga sakop sa Communist Party of the Philippines- New People’s Army o CPP-NPA nga naglihok sa ilang area of operations sa Caraga ug dinhi sa Northern Mindanao region.
Kini human kompirmaha ni 4ID spokesperson Lt Col Francisco Garello Jr ang pagtahan sa 16 ka rebelde nga naglihok sa Bukidnon dala ang ilang mga armas ug ubang kagamitan sa pakiggubat sa gobierno.
Miingon si Garello nga gawas usab niini,dunay laing duha ka sakop sa mga rebelde ang napatay sa ilang tropa kay nakig-engkuwentro didto sa Caraga.
Nakahupot sa dugang 28 ka armas usab ang militar gikan sa maong mga operasyon sulod ning bulana lamang.
Siya miingon nga unta dili na usikan sa mga nabiling rebelde ang higayon ug sila mangita na’g paagi nga makabalik pagpasilong sa gobierno.
