CAGAYAN DE ORO CITY-Patay ang duha ka rebeldeng New People’s Army o NPA samtang laing unom ang samaron sa Brgy Macopa,Talisayan,Misamis Oriental.
Kini human nasudlan sa 58th IB,Philippine Army ang hideout sa 30 ka rebelde nga naglaraw sa pag-recruit sa bag-ong miembro hinungdan natigayon ang engkuwentro.
Miingon si 58th IB commander Lt. Col. Roy Anthony Derilo nga sa maong engkuwentro,samaron usab ang ilang duha ka sundalo apan wala na dad-a sa ospital kay dili grabe ang naangkon nila nga mga igo.
Samtang nagtoo si Derilo nga may lider sa rebeldeng NPA ang ilang napatay sa engkwentro sa Brgy Macopa,Talisayan ning lalawigan.
Kini tungod sa ilang narekober nga lima ka high powered firearms bagpacks sa pipila ka rebelde nga nakasibat sa maong engkuwentro.
Namahayag si Derilo nga sagad sa mga gahupot sa tag-as nga armas ang mga lider sa mga rebelde sama sa M-16 armalite rifle.
Sa pagkakaron,gigukod sa militar ang nakasibat nga mga rebelde.
