CAGAYAN DE ORO CITY – Patay ang duha ka sakop sa rebeldeng New People’s Army o NPA samtang laing giingong tulo usab ka sundalo sa magpila ka oras nga engkuwentro sa bukirang bahin sa Brgy San Rafael,Talakag,Bukidnon.
Gibutyag sa Bombo Radyo sa sibilyan nga si alyas Lolong nga gawas sa tulo ka sundalo laing usa pa kauban niini ang samaron nga nadala sa Camp Evangelista Station Hospital sa 4th ID Headquarters sa Brgy Patag ning syudad.
Miingon si alyas Lolong nga naglisod usab sa pagkuha ang mga sundalo sa duha ka napatay’ng NPA sa mismong encounter site hinungdang wala kini madala sa patag nga bahin sa maong lugar.
Samtang gipanghimakak sa militar nga tulo sa ilang mga sakop ang napatay sa engkuwentro batok rebeldeng NPA sa Talakag,Bukidnon.
Miingon si 403rd IB,Philippine Army commander Brig Gen Ferdinand Barandon nga duha lamang ka sundalo ang samaron ug nadala sa Camp Evangelista Hospital ug walay namatay sa maong engkuwentro.
Siya miingon nga maoy naka-engkuwentro sa 1st Special Forces Batallion ang duha ka guerilla front committees sa CPP-NPA nga naglihok sa Kalatungan Ranges sa maong probinsya kagahapong adlawa.
