Hingpit nang gipapha sa serbisyo ang duha ka opisyal ug lima ka pulis sa Police Regional Office 10 human mapamatud-an nga sad-an sa kasong Grave Misconduct.
Apil sa mga natangtang sa hanay sa kapulisan ang usa ka Police Major, Police Captain, Police Staff Sergeant, ug upat ka Police Corporal.
Isip kabahin sa silot, gikanselar ang ilang eligibility, mga benepisyo sa pagretiro, ug gipahamtang ang tibook kinabuhi nga diskwalipikasyon sa pagbalik sa bisan unsang posisyon sa gobyerno.
Nagsugod ang kaso sa reklamo nga gisang-at sa Human Rights Groups may kalabotan sa giingong sayop nga pagdakop sa mga indibidwal nga dili tinuod nga suspek, nga gitawag nga mga “fall guys,” sa insidente sa robbery sulod sa Gaisano Mall sa Ozamiz City.
