CAGAYAN DE ORO CITY – Napun-an ang mga pasyente nga namatay tungod sa pagpositibo sa coronavirus disease nga unang naatiman sa mga ospital nga ubos sa superbisyon sa Dept of Health o DoH-10.
Kini human kompirmaha ni DoH regional director Dr Adriano Suba-an nga dugang duha ka pasyente nga gikan sa Iligan City ug Lanao del Sur ang kompirmadong natakbuyan sa bayrus hinungdan nga sila nangamatay sa magkalahing petsa niadtong Marso ning tuiga.
Miingon si Suba-an nga tungod niini,lima na ka kaso sa positibong kaso ang ilang nahatagan sa pag-atiman diin tulo sa mga pasyente ang nangamatay na.
Hisayrang anaa sa 40 ka person under investigation ang negatibo gikan sa 321 ka mga kaso samtang laing 49 ang kasamtangang naka-confine sa nagkadaiyang ospital ug anaa usab sa 4-mil 439 ka person under monitoring ang natala sa tibuok rehiyon.
