CAGAYAN DE ORO CITY – Patay ang duha ka motorista samtang tulo ang kritikal sa karambola sa ka motorsiklo sa Tagoloan, Misamis Oriental, sayo sa kadlawon.
Gikompirmar ni Police Lt. Princess Velarde, tigpamaba sa Misamis Oriental Provincial Police Office ang pagkamatay sa suspek nga si Jude John Ascuna, 25 anyos, kinsa dead on the spot human niya gibanggaan ang duha ka motorista nga sila Lester Cabando, hingkod ang edad, dead on arrival sa ospital; ug Ritchie Quinones, kinsa kritikal tungod sa nahi-agumang head injuries.
Dugtong niini, talandugunon ang kahimtang sa mga backride nga sila Crystal Molina ug Shelvie Cara Cabunoc, pulos naka-angkon sa head trauma ug bun-og sa lawas.
Silang tanan pulos nagpuyo sa Villanueva Misamis Oriental.
Gilusad na ang imbestigasyon sa hitabo.
