CAGAYAN DE ORO CITY, Philippines – Duha na ka bata ang namatay sa linoog nga pagpanunggab sulod sa Hart Space Studios sa Southport, Merseyside, United Kingdom.
Namahayag si Merseyside Police Chief Constable Serena Kennedy nga human sa insidente, nasikop nila ang 17 anyos nga menor-de-edad nga nagbaktas hawid ang kutsilyo nga may lama sa dugo.
Dili pa matumbok sa kapulisan kung unsa ang motibo sa kremin. Una niini, unom ka bata ang kritikal ug laing duha ka hamtong ang angol tungod sa duguong atake.
Nahitabo ang krimen dihang mitambong ang mga bata sa dance class sulod sa giatake nga pasildad. Kasong murder ug attempted murder ang gisang-at batok sa supsek.
