CAGAYAN DE ORO CITY – Gitutukan sa kapolisan ang anggulo sa rido kon nganong gi-ambush patay ang duha ka tawo ug pagkaangol sa laing duha ka kauban sa Purok 6,Barangay Magpatao,Lala,Lanao del Norte.
Gibutyag ni Police Regional Office 10 spokesperson Major Joann Navarro nga maoy dead on arrival ang mga biktima nga si Cocoy ug Jehan samtang samaron usab sila Alim ug Razul nga pulos taga-probinsya.
Subay sa imbestigasyon,sakay sa pribadong sakyanan ang mga biktima dihang gipang-pusil sa mga naka-motorsiklo nga mga responsable sa maong lugar.
Nabangga pa sa concrete road barrier ang kotse sa mga biktima rason sa pagkaguba usab niini.(With photos from Michael Navarro).
