CAGAYAN DE ORO CITY-Napatay sa kapolisan ang duha ka sakop sa grupo sa mga sindikato sa carnapping diha sa Xavier Heights, Upper Balulang sa syudad.
Kini human giingong misukol pinaagi sa paglabay sa granada samtang gika-transaction ang kapolisan sa ilang hideout kagahapon sa hapon.
Giila ni PNP’s Mindanao Drug Enforcement Unit head C/Insp Jophet Paglinawan ang mga suspek nga sila Carmelito Salvidas,taga-Lanao del Norte ug Ernesto Bradero,residente sa Tagoloan,Misamis Oriental.
Miingon si Paglinawan gihimo nila ang buy-bust operation dihang nakabantay ang mga suspek hinungdan gilabay sila sa granada.
Nabawi gikan sa mga suspek ang pipila ka sachets sa gitoohang shabu,granada,marked money ug kinawat nga motorsiklo.
Samtang kasuhan gihapon sa PNP Drug Enforcement Group Mindanao area ang napatay’ng mga suspek sa piskalya ning syudad.
Nagtoo si Paglinawan nga dakong sindikato ang grupo ni Salvidas ug Bradero ilabina nga i-biyahe pa nila sa Lanao del Norte ang makawat nila nga mga motorsiklo aron lamang bayluan sa drogang shabu.
Gani,nakasibat ang babaye nga kauban sa mga suspek nga nagsilbing look-out sa ilang hideout atol sa buy-bust operation sa syudad kagahapong adlawa.
