CAGAYAN DE ORO CITY-Mag-atubang sa patung-patong nga kaso ang Montero vehicle driver nga nakabangga-patay sa duha ka tawo ug laing mga samaran sa Upper Puerto ning syudad.
Kini human dead on the spot ang mga biktima nga sila si Eldie Laganga ug Jover Camparian dihang nabanggan sa driver nga si Richard Florer Turno sa maong lugar kagahapon sa buntag.
Miingon si Puerto Police Station commander C/Insp Evan Viñas nga nawad-ag kontrol si Turno sa gimanehong Montero dihang mibuto ang ligid hinungdan nasungag ang gikatubo nga mga motorsiklo sa mga biktima.
Samaron usab sa maong asksidente sila si Rowen Epande ug Alberto Manlubay diin nadala sa ospital.
Ipasaka sa kapolisan ang tag-2 counts sa reckless imprudence resulting to homicide ug physical injuries batok sa suspek sa piskalya sa syudad ning semanaha.
