CAGAYAN DE ORO CITY – Gikompirmar sa kapolisan ang pagkamatay sa duha ka motorista human nagbangga ang ilang gimanehong motorsiklo diha sa Brgy. Looc, Villanueva, Misamis Oriental kagahapong adlawa.
Gi-ila ni Maj. Renz Marion Serano, hepe sa Villanueva PNP ang mga biktima nga sila si Gianni Ivan Gabriel Emata, taga Brgy. Cogon, Balingasag ug Jann Lloyd Lagumbay nga taga Purok 8, Butuan City.
Miingon si Serano nga kusog ang dagan sa motorsiklo sa duha ka biktima sa dihang sila nagbangga.
Gilayong gidala sa balay tambalanan ang mga biktima apan gideklarar kini sa mga doktor nga dead on arrival.
