CAGAYAN DE ORO CITY – Gitakdang kasuha’g kriminal ang truck driver nga nabanggaan sa motorskilo nga dunay sakay nga duha ka motorista sa Sayre Highway,Purok 6,Brgy Laguitas,Malaybalay City,Bukidnon.
Kini human nag-resulta sa kamatayon nila ni Monico Sistoso Jr nga taga-Valencia City ug Marjan Quinio nga residente sa Lantapan,Bukidnon sa maong bangga.
Gibutyag ni Lt Col Jerry Tambis,hepe sa Malaybalay City Police Station nga giila ang truck driver nga si Ric Borinaga nga taga-Panabo,Davao del Norte.
Kusog ang dagan sa mga biktima hinungdang mibangga sa sampot nga bahin sa trak nga nag-resulta sa ilang kamatayon pag-abot sa ospital.
Detinado ang suspek sa kapolisan samtang gihikay ang kaso tungod sa hitabo.
