CAGAYAN DE ORO CITY – Patay na ang driver nga miligis-patay sa usa pa ka motorista, bespiras sa Pasko, sa Purok-1, Barracks, Central Poblacion, Kalilangan, Bukidnon kagabii.
Sa interbyu sa Bombo Radyo kang Bukidnon Provincial Police Office spokesperson Police Lt. Col. Silvestre Asiong Jr siya miingon nga dead on the spot ang motorista nga gibanggaan nga si Larry Allas, 39 anyos, usa ka mag-uuma, samtang bun-og sa lawas ug mga pangos ang nadawat sa tulo ka menor de edad nga backride.
Dali usab nga gidala sa ospital ang midumbol nga motorista nga naila nga si Marjohn Delaynon 20 anyos, ulitawo, walay trabaho ug residente ng Sitio Agaton, Brgy Macaopao, Kalilangan, kuyog ang na-angol nga 16 anyos nga babayeng backride niini.
Gideklarar usab nga patay ang sad-ang motorista.
