CAGAYAN DE ORO CITY – Wala na’y kasong kriminal ang ipasaka ngadto sa motorista nga si Paul Christian Mauren nga namatay human naaksidente sa Highway,Brgy Loguilo, Alubijid,Misamis Oriental.
Kini gipasabot ni Police Chief Master Sergeant Willam Oreo, traffic investigator sa Alubijid PNP, bisan pa nabanggaan niini si Ken Otisol Palason Pading nga taga Purok 2,Brgy Poblacion sa maong lugar.
Parehas padulong sa Iligan City ang duha ka motorista diin may gilikayan si Mauren,busa nabanggan niini si Pading ug natumba samtang milagpot ilalom sa naka parking nga dump truck.
Gani, nadala pa sa ospital ang duruha apan gideklara nga dead on arrival si Mauren samtang pipila ka oras namatay si Pading.
