CAGAYAN DE ORO CITY- Patay ang usa ka lalaki human miambak sa 8th Floor Engineering Complex Building sulod sa University of Science and Technology of Southern Philippines o USTP diha sa Brgy Lapasan ning syudad.
Blangko pa ang mga pulis sa identity sa biktima nga nakasul-ob sa camouflage nga t’shirt, kolor blue nga pajama, 5’8 ang height, ug blonde ang buhok.
Sumala sa security guard sa tunghaan nga si Roy Dabalos nga dili estudyante ang biktima. Blangko pa ang mga sekyu kung nganong nakasulod sa tunghaan ang namatay’ng biktima.
Samtang,patay nang nakit-an sa jeep driver ang usa ka ulitawo diha sa Brgy Carmen sa syudad.
Giila ang biktima nga si Ramon Guitalada,58 anyos ug nagpuyo lamang sa usa sa iyang mga igsoon sa maong lugar.
Gibutyag sa higala ni Guitalada nga si Bebot Estelito nga namalihog pa kini’g pabantay sa iyang jeep sa dihang sa pagbalik niini ang nagbuy-od na.
Nagtoo si Estelito nga naghambin sa sakit ang biktima nga hinungdan sa kamatayon niini.
Gitakdang ipaubos sa otopsiya ang patay’ng lawas sa biktima alang sa dugang basehan sa imbestigasyon sa kapolisan.
