CAGAYAN DE ORO CITY-Problema sa gugma ang gitoohan nga hinungdan sa paghikog-patay sa usa ka criminology student diha sa San Juan 1, Brgy Lapasan ning syudad.
Naghikog pinaagi sa paghikot alambre sa iyang liog ang biktima nga si Raymond Cuevas, 19-anyos, residente sa Sto Niño,Barangay Lapasan ning syudad.
Sumala sa silingan sa biktima nga si Mutya Quiritan nga nag-away ang biktima ug ang iyang ka-live in partner tungod sa selos.
Asoy pa niini nga nagsumbong kaniya ang kaipon sa biktima nga miggakos ug mihalok pa kini sa iyang asawa ayha naghikog.
Sa pikas nga bahin,mihangyo sa pribasiya ang pamilya sa naghikog-patay nga 52 anyos nga ginang human mikatag ang report sa kabalot sa bangi-magtiayon sa Sitio Palanan,Brgy.Tablon ning syudad kagahapong adlawa.
Gibutyag ni C/Insp Evan Vinas,hepe sa Cugman Police Station nga nagbilin sa “suicide letter” ang biktima nga si Monet Andot,hingkod ang panuigon ug nagpuyo sa maong lugar.
Namahayag si Vinas nga nag-inom sa hilo nga ‘lanit’ ang biktima sulod sa kuwarto human mibati’g kahiubos sa iyang bana.Sa pagkakaron, gihaya na sa gamay’ng chapel ang biktima sa maong lugar.
