CAGAYAN DE ORO CITY – Patay nang duha ka menor edad sa pagkalumos samtang naligo’g dagat sa Villa Gracia Beach Resort, Brgy Bonbon sa syudad.
Giila ni Police Staff Sgt Jordan Sandalo,imbistigador Carmen Police Station ang mga namatay nga si Sean Carlo Gantunangco,16 anyos nga taga-Dabatian,Brgy Carmen ug Kent Michael Bato,14 anyos nga Oro Culai,Brgy Balulang sa syudad.
Miingon si Sandalo nga nagpag-advance party si Jose Saluta hinungdan nga nakahukom maligo sa dagat ang mga magbarkada nga gilakipan nila ni Jay Clark Kabingue,Mikaila Sollano ug Jumel Valenzuela.
Apan kalit nga midako ang pagbalod sa dagat hinungdan nga napadpad ang mga biktima ug si Gantunganco ug Bato ang nagrabehan sa pagkalumos kagahapon sa hapon.
