CAGAYAN DE ORO CITY-Patay sa magkalahi nga road accidents ang duha ka tawo sa lungsod sa Jasaan ug Balingasag,Misamis Oriental.
Giila ni Jasaan Police Station commander Police Capt Dennis Ebsolo ang unang biktima nga si Andrew Zamayla,54 anyos nga nagpuyo si Brgy Lower,Jasaan ning lalawigan.
Sakay sa motorsiklo si Zamayla kinsa kanhi security escort ni late Mayor Gregorio Jonathan Po dihang nawad-an sa balanse hinungdan mibangga sa Brgy Luz Banzon kagahapong adlawa.
Samtang dead on arrival usab ang 15 anyos nga lalaki nga nadisgrasya gihapon sa motorsiklo diha sa Brgy Poblacion,Balingasag.
Giila ni Police Master Sargeant Ronnie Llausas sa Balingasag Police Station ang biktima nga si Geos Andrew Picar nga nagpuyo sa maong lungsod.
Pauli na ang biktima dihang nadisgrsya ang gisakyang motorsiklo kagahapong adlawa.
