CAGAYAN DE ORO CITY-Patay sa magkalahi nga lugar ang duha ka tawo gumikan sa pagka-disgrasya sa kadalanan ning syudad ug Iligan City kagabii.
Giila ang usa sa mga biktima nga si Johnny Cupin,hingkod ang panuigon ug nagpuyo sa Brgy Bugo sa syudad.
Subay sa report,gikan nagtambong sa birthday party ang biktima kuyog sa iyang barkada sa Misamis Oriental apan sa pag-uli naligsan sa delivery truck sa maong lugar.
Natumba ang gisakyan sa biktima samtang pauli sa Brgy Bugo hinungdan nalatayan sa truck nga gimaneho ni Eddie Garcia nga taga-Brgy Dalirig,Manolo Fortich Bukidnon.
Detinado na ang suspek gumikan sa hitabo.
Samtang nakabsan usab sa kinabuhi si Elisio Hanep nga taga-Iligan City.
Wala na ma-detalye kon naunsa ang pagka-aksidente ni Hanep kay gi-refer lamang kini sa Iligan City Hospital padulong sa Northern Mindanao Medical Center.
