CAGAYAN DE ORO CITY – Patay sa magkalahi nga aksidente ang duha ka lalaki diha sa Zayas,Upper Carmen ug sa highway sa Brgy Agusan sa syudad sa pagsugat sa bag-ong tuig.
Giila ang unang namatay nga si Junjun Escol nga taga-Brgy Tablon ug Junel Labo nga lumad -taga Quezon,Bukidnon apan temporaryo nagpuyo sa Brgy Carmen sa syudad.
Subay sa report nga mibangga ang motorsiklo nga gisakyan ni Escol sa pribadong sakyanan hinungdan sa dugu-ong aksidente.
Samtang si Labo ang nadala usab sa Northern Mindanao Medical Center gikan sa pagka-aksidente sa miaging gabii apan gi-deklara nga patay na sa attending medical workers kaganihang kadlawon.
Giimbestigaran pa sa kapolisan ang duha ka magkalahi nga aksidente sa dakbayan.
