CAGAYAN DE ORO CITY- Patay ang mag-apuhan sa sunog sa gatos ka balay sa tulo ka sona sa Brgy San Antonio Jasaan, Misamis Oriental.
Kini human unang gitoohan sa Bureau of Fire Protection o BFP nga ang depektoso nga linya sa koryente o dunay napasagdan nga pagluto sa kusina sulod sa pinuy-anan ang tinubdan sa kalayo sugod kagahapon sa hapon.
Giila ni SFO3 Edcel Salvaña, hepe sa BFP Jasaan Fire Station ang mga namatay nga sila Simplicio Pasaje,63-anyos ug ang apo niini nga si Julianne Mae Torres, 8-anyos.
Miingon si Salvaña nga nakagawas na ang lolo pero mibalik kini sa ilang nasunog nga balay aronsunog.
Samtang naghangyo sa dugang tabang ang brgy officials alang ngadto sa gatusang residente nga apektado sa dakong sunog sa tulo ka sona sa maong lungsod.
Kini bisan nga may nag-abot na nga inisyal nga ayuda gikan sa munisipyo ngadto sa daghang pamilya nga nawad-an sa pinuy-anan epekto sa maong sunod kagabii.
Miingon si San Antonio Brgy Kap Charlie Eugenio nga kasamtangan nila gipahimutang ang mga apektadong pamilya sa covered court samtang anguban anaa sa brgy hall sa maong lungsod.
Gipadaplin na lamang una ni Eugenio ang pagsaulog sa iyang adlaw’ng natawhan ning adlawa tungod sa trahedya ngagidangatan sa mga residente niini.
