CAGAYAN DE ORO CITY-Kasuhan sa kapolisan sa 2 counts sa reckless imprudence resulting to homicide ug damage of property ang drayber sa Innova nga sakyanan sa piskalya.
Kini human nakabangga-patay ang driver nga si Abegail Lituanias nga taga-Brgy Lumbia sa syudad sa trisikad nga gikamatay sa duha ka tawo samtang laing usa ang angol diha sa Zone 3, Poblacion El Salvador Misamis Oriental sa miaging adlaw.
Miingon si Misamis Oriental PNP provincial spokesperson Sr/Insp Arlyn Ranario nga padulong sa Laguindingan Airport ang suspek sa dihang nabanggaan niini ang trisikad ug nabalintong.
Giila ang usa sa mga namatay nga si Felipe Solomon, 52-anyos, minyo ug residente sa maong dapit dihang nadat-ugan sa nabalintong nga sikad.
Una nang nadala sa ospital ang mag-amahan nga sila si Ronaldo Macapayag ug Rochelle Macapayag tungod sa aksidente.
