CAGAYAN DE ORO CITY-Dead on the spot ang duha ka motorista samtang 16 ang samaran human maaksidente ang bus sa Purok 7, Brgy Unidos, Plaridel, Misamis Occidental.
Giila ang mga namatay nga sila si Dary Kim Paalisbo, 22-anyos, driver sa motorsiklo ug ang backride niini nga si Paul Cabasag, 21-anyos, pulos residente sa Sitio Balanglinaw, Brgy Bato sa maong lungsod.
Matud ni Calamba Municipal Police Station investigator P02 Maricel Buntag nga nawad-a’g kontrol ang drayber sa bus human gibabagan sa dakong bato sa mga hubog ang tunga sa dalan hinungdan nga nabalintong ang non-aircon bus sa Rural Transit Mindanao Incorporated (RTMI) ug mibangga sa motorsiklo.
Sa pagkakaron, giimbestigaran pa sa mga pulis kung kinsa ang responsable sa pagbutang sa dakong bato tunga sa dalan.
