Giatake sa mga puwersa sa Russia ang ang ulohang dakbayan sa Ukraine, pinaagi sa mga ballistic missile, diin duha ka tawo ang namatay human maigo ang usa ka siyam ka andana nga residential building ug naigo usab ang Thermal Power Plant No. 4.
Sumala kang Kyiv Mayor Vitali Klitschko, 21 ka tawo ang naangol sa maong pag-atake, diin 16 kanila ang gitambalan sa ospital ug upat ang anaa sa seryosong kahimtang, samtang nagpadayon ang mga bombero sa pagpalong sa sunog ug ang mga residente kay gipapahawa gikan sa building.
Gipahayag ni Ukrainian President Volodymyr Zelensky nga ang imprastraktura sa enerhiya ang nag-unang gipunterya sa maong pag-atake, ug gisaway niya ang kakulang sa sayong pahimangno gikan sa mga kaalyado sa Kasadpan bahin sa paglusad sa mga ballistic missile.
Dugang pa ni Zelensky, sumala sa ilang paniktik, posibleng magpadayon ang mga pag-atake sa Russia pinaagi sa ballistic missile, nga iyang giingong nagpakita nga wala nagpakabana ang Moscow sa gipahibalo ni US President Donald Trump nga hunonganan sa mga pag-atake batok sa imprastraktura sa enerhiya.
