CAGAYAN DE ORO CITY- Gipangita karon ang army scalawag nga namusil diin gikamatay sa duha ka sundalo samtang lima ang samaran sa Sitio Banisilan, Brgy Bandaraingud,Pagayawan,Lanao del Sur.
Giila ni AFP Westmincom spokesperson Maj Arvin Encinas ang suspek nga si Corporal Naw Mohammad Lassam nga nagpuyo sa maong lugar.
Miingon si Encinas nga gipusil sa suspek ang iyang kauban gamit ang M4 rifle samtang mihimo’g operasyon kagahapong adlawa.
Namatay sila si 1Lt Mark Linne Banua ug Sgt Jhanjihan Carumba samtang samaran sila si PFCs Roger Amihan, Nielo Rubiato, Technical Sgt. Randy Esmade kinsa gidala sa Amai Pakpak Medical Center sa Marawi City samtang si PFCs Jovanie Calaguian ug Therenz John Francisco ang nadala usab sa ospital sa Iligan City.
