CAGAYAN DE ORO CITY-Patay ang duha ka tawo nga sakay sa motorsiklo human mabangga-i sa 6 wheelers truck diha sa Zone 6,Brgy Bulua sa syudad kaganihang kadlawon.
Giila ang mga biktima nga sila si Jeromi Java,21 anyos,ulitawo nga taga-Brgy Macabalan ug Jessa Joy Ortezo nga nagpuyo sa Licuan Junction ning syudad.
Gibutyag sa imbestigador nga si PO3 Nemisio Baquiqui sa Bulua Police Station nga pulos padulong sa kasadpang bahin ang motorsiklo ug ang truck nga gimaneho ni Jason Den Daya dihang na aksidente hinungdan nga nabanggaan.
Nadat-ugan sa mga ligid ang mga biktima hinungdan nga nakabsan sa ilang mga kinabuhi.
Samaran usab ang laing backride ni Java nga si Camille Ortezo tungod sa maong aksidente.
